Vasstilvenning for born frå 4–8 år. Frå å verta komfortabel med vassprut i andletet, til å flyte, leike, dukke og symje. Dette kurset passar for alle born som enten trivs godt eller ynskjer å stortrivast i vatn.

Nivå 1:
Dette nivået tilsvarar dei kjente symjeopplæringsnivåa til Noregs svømeforbund kalla vann og hval. Dette nivået passar for born i alderen 4 – 5 år, eventuelt eldre born som har behov for vasstilvenning. Nivået fokuserer på dei grunnleggjande øvelsane for vasstilvenning, og skapar grunnlaget for læring av dei fire kjernefunksjonane for symjing, som er dykke, flyte, gli og framdrift. Me startar i dette nivået også med øvelsar og teknikkar for at barnet skal verta komfortabel med å få hovudet under vatnoverflata.

Nivå 2:
Dette nivået tilsvarar nivåa skilpadde og pingvin, og passar for born i alderen 5 – 8 år.  I dette nivået vil borna læra ferdigheitene å flyte og gli. Her fokuserer ein på ulike teknikker der borna vil oppleve effekten av at vatnet bærer kroppen, at ein kan flyte ved hjelp av å bruke pust og kroppsholdning, og at ein ved flyting etterkvart kan læra korleis kroppen glir gjennom vatnet.

Kurset trygg i vatn vil gjera bornet ditt meir komfortabel i vatn, læra seg trygg atferd i nærleiken av vatn, samt gjera bornet tryggare i elementet vatn – som ein start før det lærer seg å symja.

Alle borna vil få utdelt diplom som bevis på utført kurs. Det vert dessverre ikkje utdelt pins, då det ikkje eksisterer ein symjeklubb i Kvam Herad, som er nødvendig for å kalla kurset (vann, hval, sklipadde, pingvin, sel). 

Instruktøren vår, Dag Instanes, har tatt kursa sine gjennom Norges Svømmeforbund. 

Dersom det vert nok påmeldte, vil det seinare verta lagt opp til kurs som beveger seg vidare frå desse, der borna lærer seg å symja, både bryst og crawl.